भोजपुर, १२ मंसिर । नेकपा (माओवादी केन्द्र) भोजपुरले तीन ओटा स्थानीय तहको गाउँ अधिबेशन सम्पन्न गरेको छ । माओवादीले पौवादुङमा, टेम्केमैयुङ र साल्पासिलिछो गाउँपालिकाको अधिवेशन सम्पन्न गरेको हो ।
अधिवेशनबाट पौवादुङमा गाउँपालिका पार्टी कमिटी अध्यक्षमा सम्झना राई निर्वाचित भएकी छिन् । कमिटीको उपाध्यक्षहरुमा खड्गराज तामाङ, राम दर्लामी मगर, अनिता राई, सचिवमा सन्तोष मुक्मिन, सह सचिवमा हर्क राई र कोषाध्यक्षमा रामु राईसहित ५५ सदस्य कमिटी गठन गरेको पार्टीले जनाएको छ ।
त्यस्तै टेम्केमैयुङ गाउँपालिका कमिटी अध्यक्षमा संगम राई र साल्पासिलिछो गाउँपालिका अध्यक्षमा दल बहादुर गिरी निर्वाचित भएका छन् ।
पार्टीले शनिबार निर्वाचित सबै पदाधिकारीहरुलाई बधाई ज्ञापन गरेको छ । आइतबार षडानन्द नगरपालिकासहित अन्य स्थानीय तहमा पनि अधिवेशन जारी रहेको माओवादी केन्द्रले जनाएको छ ।
