भोजपुरका दुई नगरपालिका सहित आठ वटा स्थानीयतहका प्रमुखले लिए सपथ
भोजपुर, ६ जेठ
भोजपुरका दुई नगरपालिका सहित आठ वटा स्थानीयतहका प्रमुखहरुले सपथ ग्रहण गरेका छन् । भोजपुर नगरपालिकाको सभाहलमा आयोजित कार्यक्रममा मुख्य निर्वाचन अधिकृत एवम् जिल्ला न्यायाधीश गेहेन्द्र्राज पन्तले नवनिर्वाचित पालिका प्रमुखहरुलाई पद तथा गोपनीयताको शपथ ग्रहण गराएका हुन् । भोजपुर नगरपालिकाका नवनिर्वाचित प्रमुख कैलाश कुमार आले, षडानन्नद नगरपालिकाका प्रमुख सुरेन्द्र कुमार उदासले शपथग्रहण गरेका हुन् ।
यस्तै आमचोक गाउँपालिका प्रमुख अशोक राई, हतुवागढी गाउँपालिका प्रमुख प्रेमकुमार राई, रामप्रसाद राई गाउँपालिका प्रमुख थामबहादुर राई, टेम्केमैयुङ गाउँपालिका प्रमुख सरोज बस्नेत, पौवादुङमा गाउँपालिका प्रमुख किरण राई र साल्पासिलिछो गाउँपालिका प्रमुख दौलथ कुलुङले सपथ ग्रहण गरेका हुन् ।
यता अरुण गाउँपालिका प्रमुख शालिकराम खत्री भने कार्यव्यस्तताका कारण सपथग्रहण कार्यक्रममा उपस्थित भएनन् । यस्तै भोजपुर नगरपालिका प्रमुख आलेले नवनिर्वाचीत नगर उपप्रमुख, वडाध्यक्ष र वडासदस्यहरुलाई पनि सपथ ग्रहण गराएका छन् ।
