भोजपुर, ७ कात्तिक ।
एमालेले युवाहरुको योगदानको कदर गर्दै विभिन्न पदको जिम्मेवारी दिएको छ । यो अधिवेशनबाट युवा पुस्तामा जिम्मेवारी हस्तान्तरण गर्दै राजनितिमा सकृय बनाउने रणनिति अनुसार उनीहरुलाई योग्यता र क्षमताको आधारमा जिम्मेवारी दिइएको एमाले पार्टी सचिव मक्कर खड्काले बताए ।
यसै अनुरुप एमालेको पौवादुङमा ६ को वडा कमिटिको अध्यक्षमा सरोज चाम्लिङ राई सर्वसम्मत चयन भएका छन् । सानै उमेरबाट राजनितिमा लागेका राईले २५ वर्षको उमेरमा वडा कमिटि अध्यक्ष निर्वाचित भएका छन् ।
सामाजिक काममा रुची राख्ने राईले आफ्नो वडा खेल मैदानका निर्माणका लागि ५ रोपनी जग्गा वडा कार्यालयलाई दिएका छन्, भने विभिन्न सामाजिक काममासमेत सकृय रहेका छन् । पार्टीले वडाध्यक्षको जिम्मेवारी दिएकाले पार्टीको हितमा रहेर ठुलोदुम्माका जनताको सेवा गर्ने अवसर मिलेको राईले बताए ।
राईले भने,‘ विभिन्न समयमा गाउँको हितको लागि सामाजिक काम गरिरहेको छु,। पार्टीले वडाध्यक्षको जिम्मेवारी दिएको छ । अव झन जनताको सेवामा लाग्न मलाई अवसर आएको छ ।’ वडा कमिटि उपाध्यक्ष राज कुमार राई र सचिव दिलिप राईसहित ३१ सदस्यीय रहेको छ ।
