ललितपुर, १६ फागुन । धारिलो हतियार छुरा प्रहार गरी घाइते बनाएको अभियोगमा एक युवकलाई प्रहरीले पक्राउ गरेको छ । ललितपुर महानगरपालिका –५ लगनखेल बस्ने दोलखा घर भएका ३० वर्षीय विकास आचार्यलाई बिहीबार दिउँसो छुरा प्रहार गरी घाइते बनाएको अभियोगमा प्रहरीले पक्राउ गरेको हो ।
सामान्य विवादमा त्यही ठाउँमा घर भएका २४ वर्षीय सन्तोष खातीलाई छुरा प्रहार गर्दा घाइते भएको भन्ने खबर प्राप्त हुनासाथ महानगरीय प्रहरी प्रभात लगनखेलबाट खटिएको प्रहरीले उनलाई पक्राउ गरेको हो । घाइतेको पाटन अस्पतालमा उपचार भइरहेको प्रहरीले जनाएको छ ।घटनाबारे थप अनुसन्धान भइरहेको प्रहरीले जनाएको छ ।
