भोजपुर, २७ माघ ।
भोजपुरको उत्तरी साल्पासिलिछो गाउँपालिका –२ दागवेलामा आगलागी भएको छ । शनिवार ३ :४५ वजे स्थानिय सदरशिंह राईको घरमा आगलागी भएको हो ।आगलागीबाट राईको घरमा रहेको आधातोला सुन, नगद ४५ हजार र घर पुर्णरुपमा जलेर नश्ट हुँदा ४ लाख २५ हजारको क्षति भएको जिल्ला प्रहरी कार्यालय भोजपुर जनाएको छ ।
आगो करिव एक घण्टा पछि प्रहरी र स्थानियले नियन्त्रणमा लिएको प्रहरीको भनाई छ । त्यस्तै रामप्रसादराई गाउँपालिका – ५ मानेभञ्याङ्गमा पनि शक्रवार साँझ साढे ६ वजे तिर आगलागी भएको छ । स्थानिय मंगलशिंह सार्कीको घरमा आगालागी भएको हो ।
आगलागीबाट सार्कीको घरमा रहेको नगद दश हजार सहित घर पुर्ण रुपमा जलेर नश्ट हुँदा एक लाख ९० हजारको क्षति भएको जिल्ला प्रहरी कार्यालय भोजपुरले जनाएको छ । आगलागीबाट कुनै पनि मानविय तथा चौपायमा क्षति नभएको प्रहरीको भनाई छ ।
