भोजपुर ३२ साउन । भोजपुरको दावाँ बलौटेमा रोकि राखेको मोटरसाइकलमा अट्टो ठोकिएर भएको दुर्घटनामा चालकसहित चार जना घाईते भएका छन् । दाँवाबाट यात्रु लिएर आइतबार साँझ भोजपुुर आउदै गरेको को १ ह ८३८४ नम्वरको अट्टो रोकि राखेको बा ५३ प ४१९२ मोटरसाईकलमा ठोकिएर दुर्घटना भएको जिल्ला प्रहरी कार्यालय भोजपुरले जनाएको छ ।
जिल्ला प्रहरी कार्यालय भोजपुरका अनुसार दुई जना सामन्य उपचार पश्चात घर फर्कीएका छन् भने २२ वर्षिय चालक सुप्रिम राई र १७ वर्षिया सलिना श्रेष्ठलाई थप उपचारका लागि जिल्ला बाहिर रिफर गरिएको छ । तिव्रगतिका कारण दुर्घटना भएको हुन सक्ने प्रहरीको भनाइ छ । घटनाको विषयमा थप अनुसन्धान भइरहेको प्रहरीले जनाएको छ ।
