कुनै पनि समय आक्रमण हुन सक्ने भन्दै प्रहरी कार्यालयमै धम्की

नवलपरासी, २० कात्तिक । पूर्वी नवलपरासीको धौवादीमा रहेको इलाका प्रहरी कार्यालय धौवादीमा धम्की आएको छ ।मंगलबार साँझ मोबाइलबाट फोन गरेर धम्की आएको प्रहरी स्रोतले जनाएको छ । प्रहरीले कुनै जडियाले जाँड खाएर धम्काएको हुन सक्ने आशंका गरेको छ ।फोनमा प्रहरी कार्यालय छाडेर जान र कुनै पनि समय प्रहरी कार्यालयमा आक्रमण हुन सक्ने धम्की आएको हो । इलाका प्रहरी कार्यालय धौवादीमा प्रहरी निरीक्षकको दरबन्दी भएपनि प्रहरी नायव निरीक्षक (सई) को नेतृत्वमा १०/११ जनाको टोली रहेको छ । प्रहरीले फोन आएको नम्बरको कल डिटेल पत्ता लगाएर कसले फोन गरेको पत्ता लगाउने अनुसन्धान थालिसकेको जनाएको छ ।

सम्बन्धित समाचार