बर्दिया, ५ भाद्र । बाघको आक्रमणमा परेर एक महिलाको मृत्यु भएको छ । जिल्लाको गेरुवा गाउँपालिका वडा नं ४ गोला गाउँकी ५६ वर्षीया रामकली शाहीको बाघको आक्रमणबाट ज्यान गएको प्रहरीले जनाएको छ ।
बिहीबार दिउँसो ४र५ जनाको समूहमा शाही घास काट्न घरदेखि केही नजिकैको खेतमा गएकी थिइन् । घास काट्दै गर्दा शाहीलाई बाघले एक्कासी आक्रमण गरेको थियो । बाघले उनलाई लर्तार्दै नजिकैको जंगलमा लगेको थियो । शाहीसँगै घास काट्न गएको अन्यले गाउँलेलाई खबर गरेपछि गाउँलेहरुले बाघको पञ्जाबाट शाहीलाई छुटाएका थिए ।
बाघको आक्रमणमा परेर शाहीको घटनास्थलमै ज्यान गएको जिल्ला प्रहरी कार्यालयका प्रहरी उपरीक्षक राजेशनाथ बास्तोलाले जानकारी दिए । घटनास्थल बर्दिया राष्ट्रिय निकुञ्जको मध्यवर्ती क्षेत्रमा पर्छ ।
