भोजपुर, ८ वैसाख ।
भोजपुरका दुई पत्रकार बिषेश युवा सम्मानबाट सम्मानित भएका छन ।
पत्रकारहरु नवराज भट्टराई ‘कोहम’ र नारायण प्रसाद भट्टराई ‘सोहम’ सम्मानित भएका हुन् । राष्ट्रिय युवा सेवा कोषका तर्फबाट काठमाडौमा प्रमुख अतिथि परराष्ट्रबिद भेष वहादुर थापाले सम्मानपत्र र नगद रु १५ हजारले सम्मान गरेका हुन् ।
नेपाललाई बिश्वमा चिनाउन पत्रकारद्धयले बिश्वयात्रा मार्फत गरेको योगदानलाई कदर गर्दै उक्त सम्मान प्रदान गरिएको आयोजकले जनाएको छ । भोजपुरको च्याङ्रे र तिवारीभञ्ज्याङ्मा जन्मेका उहहरुले हालसम्म नेपालका ७७ जिल्ला भारतका सबै राज्य,भुटान बर्माको भ्रमण गरि ३ वोटा पुस्तक र २ वोटा वृतचित्र उत्पादन गरि सकेका छन् ।
बिश्व दर्शन अभियान नेपाल सस्था समेत स्थापना गरेका पत्रकारद्धयले २०६५ साल कार्तिक २ गते भोजपुरकै दिङ्लाबाट आफ्नो यात्रा शुभारम्भ शुरु गरेका थिए ।
