पाँचथर, १८ माघ ।
पाँचथरको फिदिम नगरपालिका –५ बस्ने २६ वर्षीया कमला तुम्बापो (सुस्मिता) चार दिनदेखि बेपत्ता हुनुभएको छ ।
आफ्नै घरबाट फिदिमको साम्दिन घुम्तिसम्म पुगेर आउने भनेर घरबाट हिँडेकी तुम्बापो नफर्किएपछि आफन्त र परिवारजनले खोजतलास गरेपनि पत्ता लाग्न नसकेको उहाँका श्रीमान कुवेर तुम्बापोले वताए ।
फेला पर्न नसकेपछि परिवारले जिल्ला प्रहरी कार्यालय पाँचथरमा खोजिदिन आग्रह गर्दै निवेदन दिएका छन् । बेपत्ता भएकी तुम्बापोका एक छोरा र एक छोरी छन् ।
