भोजपुर, १० चैत्र । भोजपुरमा विहेको गाडी दुर्घटना भएको छ । दुर्घटनामा परी ४ जना घाइते भएका छन् । भोजपुरको साल्पासिलिछो गाउँपालिका वडा नं २ कुलुङवाट ट्याम्केमैयुङ गाउँपालिकाको दिल्पा तर्फ विहेको जन्ती लिएर आउदै गरेको ग ३ च. ३६३२ नम्वरको फोर्स गाडी आज (शुक्रबार) विहान ५ः३० बजे षडानन्द नगरपालिका ५ चिउरीवोटेमा चिप्लीएर दुर्घटना भएको ईलाका प्रहरी कार्यालय दिंलाले जनाएको छ ।
घाईने हुनेमा साल्पासिलिछों २ का बर्ष ४७ का घनश्याम गिरी, बर्ष ४८ का बालकृष्ण गिरी, बर्ष ६० का बासुदेव गिरी र सोहि ठाउँका बर्ष ३५ का निल वहादुर चौहान रहेको प्रहरीले जनाएको छ । दुर्घटना भएको गाडी सडक बाट ५ मिटर तल झरेको थियो । गाडीमा वेहुला सहित १४ जना जन्ती रहेका थिए ।
। घाईते सवैलाई उपचारकोलागि संखुवासभाको मनकामना हस्पिटल तुम्लींगटार पठाईएको ईलाका प्रहरी कार्यालय दिंलाका प्रमुख तथा प्रहरी निरिक्षक भाष्कर खतिवडाले जानकारी दिए ।
