भोजपुर, ६ माघ ।
धनकुटामा भएको आमहट्तालका कारण शनिवार (आज) पनि नियामित यातयात सञ्चालनमा समस्या भएको छ । भोजपुरबाट नियमित रुपमा सञ्चालन आउने गरेका वस तथा ट्याक्टी शनिवार पनि नछुटेको संयुक्त वस व्यावसायी संघ भोजपुरले जनाएको छ ।
समय तलिका अनुसार कुनै वस नछुटे पनि आफै जोखिम मोलेर भने केहि वस र ट्याक्टी भने धरानको लागि छुटेको भोजपुरका संयुक्त वुकिङ्ग इन्चार्ज महेश राईले जानकारी दिए ।त्यस्तै धरानबाट पनि आफ्नै जोखिममा केहि वस छुटेको उनको भनाई छ । नियमित रुपमा सञ्चालन हुने वसको लागि कुनै पनि टिकट वितरण नभएको राईले जानकारी दिए ।
यता धनकुटा प्रहरी प्रमुख एसपी सुदिपराज भण्डारीले रातको समयमा विभिन्न ठाउबाट आएका वसहरुलाई स्कटिङ्ग गरेर गन्तव्य तर्फ पठाउने गरेको वताएका छन् ।
आन्दोलनकारीले वेलुका ५ वजेबाट विहान ५ वजे सम्म यातयात सञ्चालनमा अवरोध नगर्ने वताए पनि आधिकारीक रुपमा कुनै पनि जानकारी प्रहरी समक्ष नआएको उनको भनाई छ ।
