भोजपुर, १४ असार । राष्ट्रिय बृक्षरोपन दिवसको अवसरमा भोजपुरमा बृक्षरोपन गरिएको छ । डिभिजन वन कार्यालय भोजपुरको आयोजनामा जिल्ला प्रशासन कार्यालय परिसर, देउराली चोक र भोजपुर नगरपालिका १२ टक्सारमा बृक्षरोपन गरिएको हो । दिवसको अवसरमा कल्की, विरेन्द्र फुल, कपुर, धुपीलगायतका ७० वटा विरुवा रोपिएको डिभिजन कार्यालय भोजपुरका प्रमुख विरेन्द्र शाहले जानकारी दिनुभयो ।
विभिन्न दिवसका अवसरमा जिल्ला बृक्षरोपनको अभियान सञ्चलान भईरहेको उहाँले जानकारी दिनुभयो । जिल्ला प्रशासन कार्यालय आसपासमा गरिएको बृक्षरोपनमा, कोशी प्रदेश राज्यमन्त्री सिर्जना राई, प्रमुख जिल्ला अधिकारी नरबहादुर थापा सुरक्षा निकाय तथा सरकारी कार्यालयका प्रमुखहरु लगाएतको सहभागिता रहेको थियो ।
