भोजपुर, ३० कात्तिक । टेम्केमैयुङ गाउँपालिका -५ चोलन्तीमा विभिन्न पार्टी परित्याग गरि १२ जना एमालेमा प्रबेश गरेका छन् । नेकपा (एमाले) टेम्केमैयुङ गाउँ कमिटिले भोजपुरले आयोजना गरेको चुनावी सभा कार्यक्रममा नेपाली माओबादी केन्द्र नेपाली काङग्रेस र जनता समाजबादी पार्टी परित्याग गरि इन्द्र प्रसाद राईको नेतृत्वमा १२ जना एमालेमा प्रबेश गरेको एमाले भोजपुरले जनाएको छ । नव प्रबेशीहरुलाई नेकपा एमाले केन्द्रीय सदस्य तथा प्रदेश सभा सदस्य भोजपुर क्षेत्र न १ का उम्मेदवर हरि बहादुर राई र पूर्वमन्त्री तथा नेकपा एमाले प्रदेश कमिटि सचिवालय सदस्य कृर्पासुर शेर्पाले, लगाएतका नेताहरुले स्वागत गरेका छन् ।
