भोजपुर २९ साउन ।गाडीबाट हामफाल्दा एक युवकको मृत्यु भएको छ । विहिवार राती कोसी लोकमार्गअन्तर्गत विराटनगर महानगरपालिका–३ मा उत्तरबाट दक्षिणतर्फ आउँदै गरेको को २ च २७४२ नम्बरको बलेरो गाडीबाट हामफाल्दा भोजपुरको ट्याम्केमयुङ गाउँपालिका–२ का २२ वर्षीय युवराज खतिवडाको मृत्यु भएको हो । गाडीमा सवार रहेका बेला हामफालेर ओर्लन खोज्दा उनी गम्भीर घाइते भएको प्रहरीले जनाएको छ ।
प्रहरीका अनुसार खतिवडाको उपचारका क्रममा विराटनगरको नोबेल शिक्षण अस्पतालमा मृत्यु भएको हो । चालक कृष्ण कार्कीलाई नियन्त्रणमा लिएर घटनाको बारेमा थप अनुसन्धान भईरहेको प्रहरीले जनाएको छ ।
