लहान, १ चैत्र । पूर्वपश्चिम सडक अन्तर्गत सिरहाको नरहा गाउँपालिका(३ मा पर्ने नयाँ चोहर्वामा बिहीबार बिहान ट्रिपरको ठक्करले गम्भीर घाइते भएका एक जनाको मृत्यु भएको छ । गम्भीर घाइत अर्का एकजनालार्इ काठमाडौं लगिएको छ ।
मृत्यु हुनेमा मिर्चैया नगरपालिका ७ फूलबरियाका अन्दाजी २४ वर्षीय रामप्रताप यादव रहेको इलाका प्रहरी कार्यालय मिर्चैयाले जनाएको छ ।
प्रहरीका अनुसार मोटरसाइकलमा यादवसँगै रहेका अन्दाजी २३ वर्षीय उदयचन्द्र यादवलाई गम्भीर अवस्थामा उपचारका लागि काठमाडौं लगिएको प्रहरीले जनाएको छ ।
पूर्वबाट पश्चिमतिथर जाँदै गरेको स१क १७१ नं. को ट्रिपरले विपरीत दिशाबाट आउँदै गरेको स३प १४५६ नं. को मोटरसाइकललाई बिहान पौने १० बजेतिर नयाँ चोहर्वामा ठक्कर दिंदा गम्भीर घाइतेमध्ये रामप्रतापको उपचारको क्रममा मिर्चैयास्थित मंगलम हस्पिटलमा मृत्यु भएको हो ।मिर्चैया प्रहरीले टिपर र मोटरसाइकल नियन्त्रणमा लिएको छ भने चालक फरार रहेकाले खोजी भइरहेको जनाएको छ ।
