भोजपुर,१७ फागुन ।
भोजपुरमा एक व्यक्ती मृत अवस्थामा फेला परेका छन् । भोजपुरको उत्तरी षडानन्द नगरपालिका –२ कुदाकाउलेको पाईखामा ती व्यक्ती मृत अवस्थामा भेटिएका हुन् ।
स्थानिय दिल बहादुर सुनुवारका छोरा २५ बर्षिय नरेन्द्र सुनुवार झुन्डिएको अवस्थामा मृत भेटिएको जिल्ला प्रहरी कार्यालय भोजपुरले जनाएको छ ।
सुनुवार (आज) विहिवार विहान आफ्नै घरमा झुण्डिएको अवस्थामा मृत भेटिएका हुन् । मृत्युको कारण भने खुल्न नसकेको जिल्ला प्रहरीका कार्यालय भोजपुरका प्रहरी निरिक्षक खेम नेपालले जानकारी दिए । अहिले प्रहरी घटना स्थलमा पुगेर आवश्यक प्रक्रिया शुरु गरेको प्रहरी निरिक्षक नेपालको भनाई छ ।
