नेपालको स्वर्णमा कीर्तिमान

काठमाण्डौ, १९ मंसिर ।
नेपालका लागि १३ औं साग सबैभन्दा सफल साग सहभागिता बनेको छ । बिहीबार ३२ स्वर्ण जितेसँगै नेपालले सागमा सर्वाधिक स्वर्ण जितेको किर्तिमान कायम गरेको छ । यसअघि नेपालले सन् १९९९ मा काठमाण्डौमा आयोजित सागमा ३१ वटा स्वर्ण पदक जितेको थियो । बिहीबार नेपालले उसु र साइक्लिङमा थप पदक जितेको हो । आज उसु कि निमा घर्तीमगर र क्रस कन्ट्री साइक्लिङका बुद्धिबहादुर तामाङ र लक्ष्मी मगरले स्वर्ण जितेका हुन । नेपालले मार्शल आर्ट्सका विभिन्न विधामा अधिकांश स्वर्ण पदक जितेको हो । नेपाली खेलाडीहरूले तेक्वान्दो, कराते, उसु, एथलेटिक्स, ट्रायथलन, र साइक्लिङमा स्वर्ण पदक जितेका छन् । पदक तालिकमा भारत पहिलो र नेपाल दोस्रो स्थानमा रहेका छन्

सम्बन्धित समाचार