टिकाराम बस्नेत युएई । संयुक्त अरब इमिरेट्स ( युएई ) स्थित नेपाली दूतावासले ५१ जना मानब तस्करी गर्ने नेपालीहरूको नाम सार्वजनिक गरेको छ । दूतावासले विज्ञप्ति जारी गर्दै अवैधानिक रुपमा नेपाली कामदार ओसारपसारमा संलग्न ५१ जना दलाल र तस्करहरुको नाम सार्वजनिक गरेको हो । दूतावासले नेपाली कामदारको शोषण र तस्करी गरेको आरोप लागेका म्यानपावर कम्पनी र ट्राभल एजेन्सीको नामपनि सार्वजनिक गरेको छ । दूतावासका अनुसार नेपालीलाई युएई ल्याई अलपत्र पार्ने दलाल राजिव मल्ल, केशव शिवाकोटी,रेणु शिवाकोटी शाह तेली, इश्वर श्रेष्ठ ,टंक सुवेदी, क्यापिटल रिक्रुटमेन्ट सर्भिसेस लि, सुनिता थापा, राकेश खडायत, छन् । त्यस्तै कुवेर रानाभाट, विवेक श्रेष्ठ र सुभाष श्रेष्ठ ९अन्नपूर्ण ट्राभल, नेपाल०, हरिशरण दास, पुष्कर कार्की, देवेन्द्र गौतम, भक्तिराम कोइराला,राजकुमार लामा, भीम बहादुर सुनार, रामकृष्ण थापामगर र रामेश कुँवर९धादिङ्ग० प्रविण नरसिंह राना, पिताम्बर पराजुली, प्रजिल पराजुली, साजन पाण्डे, प्रताप लिम्बु, इसराफुल शाह, उम९अल९क्विन,लक्ष्मण परियार,रोजन (सुब्बा) मगर, नरबहादुर ९निसान० घले, सोनाम लामा लगायत छन् ।
उनीहरूले आकर्षक तलब र राम्रो काम लगाइदिने बहानामा झुक्याएर ७१ जना नेपाली हरूलाई पर्यटक भिषामा युएई ल्याई अलपत्र पारेको दुतावासमा तथ्यांक छ । अलपत्र परेका ३३ जना महिला र ३८ जना पुरूषको नेपाली दूताबास आबुधावीले उद्धारपछि नेपाल फर्काइ सकेको जनाएको छ । सार्वजनिक गरिएका दलाल तथा मानब तस्करहरूलाई दूतावासले कार्बाही गर्ने तयारी गरेको सोमबार जारी विज्ञप्तिमा छ ।
