भोजपुर, २१ जेष्ठ । गत जेठ १५ गते संघीय सरकारले आगामी आर्थिक बर्ष २०७६ ०७७ को बजेट संघीय संसदमा प्रस्तुत गर्यो । नौ वटा स्थानीय तह रहेको भोजपुरमा २ अर्ब १८ करोड २ लाख अनुदान प्राप्त भएको छ ।
दुई वटा नगरपालिका र ७ वटा गाउँपालिका रहेको भोजपुरमा नगरपालिकातर्फ षडानन्द नगरपालिकाले सबैभन्दा धेरै र गाउँपालिकातर्फ ट्याम्के मैयुङ गाउँपालिकाले धेरै अनुदान प्राप्त गरेका छन् ।
यो अनुदान वित्तिय समानीकरण र ससर्त अनुदान हो । यो रकम बाहेक पालिकालाई राजस्व बाँडफाडँ, विशेष अनुदान र समपूरक अनुदानबाट पनि थप रकम पाउनेछन् ।
कुन पालिकामा कति अनुदान ?
षडानन्द नगरपालिका ३५ करोड ३४ लाख , भोजपुर नगरपालिका ३२ करोड ३४ लाख , ट्याम्के मैयुङ गाउँपालिका २५ करोड ६९ लाख,आमचोक गाउँपालिका २१ करोड ५४ लाख , हतुवागढी गाउँपालिका २१ करोड ४६ लाख, रामप्रसादराई गाउँपालिका २० करोड २१ लाख,पौवादुङ्मा गाउँपालिका १८ करोड ७७ लाख, अरुण गाउँपालिका २१ करोड ९४ लाख , साल्पा सिलिछो गाउँपालिका २० करोड १९ लाख
