भोजपुर, २२ माघ । भोजपुरमा एक फरार अभियुक्त २८ वर्ष पछि पक्राउ परेका छन् । हाडनाता करणीमा २०४७ साल बैशाख २३ गते जिल्ला अदालत भोजपुर बाट ४ वर्ष कैद सजाय भइ फरार भएका भोजपुरको टेम्केमैयुङ गाउँपालिका वडा नम्बर २ छिनामखु बोबोक घर भई हाल सुनसरीको इटहरीमा बस्दै आएका ७१ वर्षीय बखत बहादुर कठेतलाई प्रहरीले पक्राउ गरेको हो ।
पक्राउ परेका कठेतलाई आज बाट अदालतको आदेशमा कैदको लगत कट्टा गर्ने प्रयोजनको लागि कारागार चलान गरिएको जिल्ला प्रहरी कार्यालय भोजपुरले जानकारी दिइएको छ । कठेतलाई यहि माघ २० इटहरी बाटै पक्राउ गरी भोजपुर ल्याइएको हो ।
