भोजपुर, २१माघ ।
प्रहरीले भोजपुरको तिम्माबाट एक थान भरुवा वन्दुक फेला पारेको छ । प्रहरी चौकी गुप्तेश्वरबाट खटिएको प्रहरी टोलीले उक्त बन्दुक बरामद गरेको हो।
प्रहरीले ट्याम्केमैयुम गाउँपालिका –एक तिम्माको सुम्लिखामा ओडारमा परालले छोपेर राखेको अवस्थामा शनिबार विहान उक्त भरुवा बन्दुक फेला परेको प्रहरीले जनाएको छ । वन्दुक धनी भने फरार रहेकोले खोजी भइरहेको प्रहरीको भनाई छ ।
प्रहरीले केही दिन अघि मात्र भोजपुरको उत्तरी षडानन्द नगरपालिका –९ किमालुङ्गबाट ६३ वर्षिय जगधन राईलाई भरुवा वन्दुक सहित नियन्त्रणमा लिएको थियो ।
राईको घरमा वन्दुक छ, भन्ने सुचनाको आधारमा खोजी गर्दा लोड गरी राखेको भरुवा वन्दुक फेला परेकोले उनलाई नियन्त्रणमा लिएको हो ।
