भोजपुर, १९ पौष । भोजपुरको उत्तरी षडानन्द नगरपालिकामा – ८ तुङ्गेछाको गौचरनमा टयाक्सी दुर्घटना भएको छ । वुधवार दिउसो ४ः ४५ वजे दिंलावाट भोजपुर सदरमुकाम तर्फ आउदै गरेको को १ ज २२६७ नम्वरको ट्याक्सी दुर्घटना हुँदा एक जना गम्भिर घाइते भएका छन् ।
घाइते हुनेमा खोटाङ्गको कोपीलासगढी गाउँपालिका – ७ का चालक २४ वर्षिय निरकुमार राई रहेको जिल्ला प्रहरी कार्यालय भोजपुरले जनाएको छ ।
घाइतेको जिल्ला अस्पताल खादवारीमा उपचार भईरहेको छ । ट्याक्सी सडकबाट ५० मिटर तल झरेको प्रहरीको भनाई छ । ट्याक्सीमा चालक मात्र रहेको प्रहरीले जनाएको छ । ट्याक्सीले नेपाली काङ्ग्रेसका नेता उत्तम चापागाँइको घरमा सामान्य क्षति पुगेको प्रहरीले जनाएको छ ।
