भोजपुर, १२ पौष ।
पञ्चकन्या माध्यमिक विद्यालय वोखिमको ६२ औ वार्षिक उत्सव तथा अभिभावक दिवस सम्पन्न भएको छ । गत पौष ६ गतेबाट शुरु भएको वार्षिक उत्सवको अवसरमा विभिन्न प्रतियोगिता गरिएको थियो । दिवसको अवसरमा विद्यालय व्यावस्थापन समितिका अध्यक्ष रविन राईले एक लाख ११ हजार एक सय ११ रुपैयाको अक्षयकोष स्थानिय स्थापना गरेका छन् ।
राईले स्वार्गिय हजुर वा सुवेदार सोभितमान राई र हजुर आमा लगणश्वरी राईको नाम अक्षयकोष स्थापना गरेका हुन् । जिल्ला समन्वय समितिका प्रमुख लक्ष्मण खड्काको प्रमुख आथित्यतामा भएको कार्यक्रममा पुर्वमन्त्री तथा एमाले नेता कृपाशुर शेर्पा, जिल्ला समन्वय समितिकी उपप्रमुख अनिशा खड्का, भोजपुर नगरपालिकाका मेयर कैलास कुमार आले, उपमेयर, ममिता राई र श्रोत व्याक्ति ध्रुवराज रेग्मी लगाएतको उपस्थिति रहेको विद्यालयका शिक्षक लक्ष्मण जोसीले जानकारी दिए ।
आज भएको समापन कार्यक्रमको अवसरमा वार्षिक परिक्षामा कक्षा गत रुपमा प्रथम, दोश्रो तेस्रो साथै दिवसको अवसरमा भएका विभिन्न प्रतियोगिताका विजेताहरुलाई पुरस्कार समेत वितरण गरिएको थियो ।
