भोजपुर ३१ असार । पौवादुङमा गाउँपालिकाले उत्कृष्ट तीन कर्मचारीलाई सम्मान गरेको छ । १३ औँ गाउँसभामा उत्कृष्ट काम गर्ने कर्मचारीलाई सम्मान गरेको हो । सम्मान हुनेमा गाउँपालिकामा कार्यरत प्रशासन प्रमुख बुद्धिमान तामाङ, स्वास्थ्य चौकी तिवारीभञ्ज्याङमा कार्यरत सिनियर अनमी तारादेवी राई र आमा सुरक्षा कार्यक्रम अन्तर्गत उत्कृष्ठ सेवा दिने सिनियर अनमी गिता भण्डारीलाई सम्मान गरिएको गाउँपालिकाले जनाएको छ ।
गाउँ सभाको दोश्रो बैठकबाट महत्वपूर्ण नीति तथा कार्यक्रम र ऐनहरू पास भएको प्रमुख प्रशासकीय अधिकृत नविन भट्टराईले बताए । गाउँपालिकामा रहेर उत्कृष्ट काम गर्दै कार्य सम्पादनमा महत्वपूर्ण भूमिका खेलेको भन्दै गाउँपालिकाले उनिहरुलाई सम्मान गरेको गाउँपालिका अध्यक्ष किरण राईले जानकारी दिए ।
‘उहाँहरुले गाउँपालिकामा खेलेको भूमिकाको कदर गर्दै सम्मान गरेको हौँ’’ अध्यक्ष राईले भने,‘ उत्कृष्ट काम गर्ने कर्मचारीको कामको मुल्याङ्कन गर्न सके उहाँहरुलाई थप काम गर्न उर्जा मिल्छ । आगामी दिनमा समेत उत्कृष्ट काम गर्न कर्मचारीलाई सम्मान गर्ने गाउँपालिकाको योजना रहेका अध्यक्ष राईले बताए ।
