भोजपुर १० वैशाख । पौवादुङमा गाउँपालिकाका ११ सय विद्यार्थीलाई शैक्षिक सामग्री वितरण गरिएको छ । गाउँपालिकाका ३२ ओटा विद्यालयका कक्षा १ देखी ५ र इसिडिका विद्यार्थीलाई शैक्षिक सामग्री वितरण गरिएको हो । विद्यार्थीहरुलाई पेन्सिल, कटर कापी लगाएतका सामग्री प्रधानाध्यपक मार्फत वितरण गरिएको हो । सवै विद्यालयबाट विद्यार्थीहरुको छनौट गरेर शैक्षिक सामग्री वितरण गरिएको गाउँपालिकाले जनाएको छ । बालवालिकाहरुलाई पठन पाठनमा लगनशिलता बढाउन तथा उनीहरुलाई अध्ययनप्राति हौसला प्रदान गर्ने लक्ष्यले शैक्षिक सामग्री वितरण गरिएको गाउँपालिका अध्यक्ष किरण राईले बताए । गाउँपालिकामा भित्रका विद्यालयको शैक्षिक गुणस्तर सुधारमा योजनाबद्ध रुपमा काम गरिरहेको उनको भनाइ छ । ‘शैक्षिक क्षेत्रको सुधारको लागि गाउँपालिकाले योजनाबद्ध रुपमा काम गर्दै आएको छ ’’ अध्यक्ष राई भने,‘‘ हामीले विभिन्न समयमा विद्यालय तथा विद्यार्थीहरुलाई आवश्यक सहयोग गर्दै आएका छौँ । त्यसैको निरन्तरता स्वरुप आज विद्यार्थीहरुलाई शैक्षिक सामग्री वितरण गरेका हौँ ।’
