भोजपुर २६ फागुन । रामप्रसादराई गाउँपालिका –८ खोक्सिकको वडा कार्यालय भवन उद्घाटन भएको छ । शुक्रवार एक कार्यक्रकका बीच वडाध्यक्ष बाच कुमार राईले कार्यालयको उद्घाटन गरेका हुन । भवनको उद्घाटन भएसंगै सेवा प्रवाहमा सजता थपिएको वडाध्यक्ष राईले बताए । ‘वडा कार्यालको आफ्नो भवन नहुँदा एउटै कोठाबाट सवै सेवा प्रदान गर्नु पर्ने अवस्था थियो’ वडाध्यक्ष राईले भने,‘अव भने सेवा प्रवाह गर्न सहज भएको छ । हामी वडाको योजनाबद्ध विकासमा जुटेका छौँ ।
कृषि, सडक, विद्युत्, खानेपानी, शिक्षा क्षेत्रलाई विशेष प्रथामिकतामा राखेर काम अगाडी बडाएको अध्यक्ष राईको भनाइ छ । वडामा आउने बजेटले मात्र कतिपय ठुला योजना सञ्चालन गर्न समस्या हुने भएकाले केन्द्र र प्रदेश सरकारसँग पनि बजेटको लागि वडाले पहल गरिरहेको वडाध्यक्ष राईले बताए । ६४ लाख लागतमा वडा भवन निर्माण सम्पन्न भएको हो ।
