भोजपुर २ जेष्ठ भोजपुरको आमचोक गाउँपालिकामा नेकपा माओवादी केन्द्र का अशोक राई निर्वाचित भएका छन् । आइतबार राति सार्वजनिक परिणामअनुसार राई ३ हजार ६८६ मतसहित विजयी भएका हुन् । उनका निकटतम प्रतिद्वन्द्वी नेकपा एमालेका वसन्त राईले ३ हजार २५८ मत प्राप्त गरे । उपाध्यक्षमा पनि माओवादीकै सिता राई ३ हजार ५६१ मतसहित निर्वाचित भएकी छन् । उनका निकटतम प्रतिद्वन्द्वी नेपाली कांग्रेसका छिरिङ शेर्पाले ३ हजार २२४ मत प्राप्त गरेका छन् ।
यस्तै उक्त पालिकाको वडा नं १ को वडाध्यक्षमा कांग्रेसका निम्नुरी शेर्पा, वडा २ मा रामबहादुर खड्काले जितेका छन् । वडा ३ मा एमालेका गोपाल राई, वडा ४ मा नेत्र खत्री विजयी बने । माओवादी केन्द्रबाट वडा ५ मा रामप्रसाद राई, वडा ६ मा बमबहादुर बस्नेत, वडा ७ नवीन राई, वडा ८ मा, सन्तोष राई, वडा ९ रोशन मगर, बालदिप राई निर्वाचित भएका छन् ।
