भोजपुर,६ जेष्ठ ।
जिल्ला प्रहरी कार्यालय भोजपुरले वहुविवाह गरेको आरोपमा दुई जनालाई पक्राउ गरेको छ ।
प्रहरीले आमचोक गाउँपालिका –४ वालंखाका ३३ वर्षीय उमेश राई र उदयपुरको चौडन्डी नगरपालिका –७ की डम्वर कुमारी राईलाई पक्राउ गरेको हो । आफु हुँदा हुँदै दोश्रो विवाह गरेको भन्दै उमेशकी जेठी श्रीमती मनीकला राईले प्रहरी चौकी वालंखामा उजुरी दिए पछि दुवै जनालाई शुक्रवार प्रहरीले पक्राउ गरेको हो ।
पक्राउ परेका दुवै जनालाई जिल्ला अदालतबाट ७ दिनको म्याद थप गरि अनुसन्धान शुरु गरिएको जिल्ला प्रहरी कार्यालय भोजपुरले जनाएको छ ।
