पाँचथर,११ चैत्र ।
पाँचथरको हिलिहाङ गाउँपालिका -७ तिनधारे स्थित भित्री सडक खण्डमा आइतबार ट्रक दुर्घटना हुँदा एक जनाको ज्यान गएको छ भने अन्य एक जना घाइते भएका छन्।
पाँचथर फिदिमबाट तम्फुवा सुभाङतर्फ विजुली तार लोड गरी जादै गरेको बा २ क ६६८३ नम्बरको रेनु कन्ट्रक्सन कम्पनी काठमाण्डौँको मिनि ट्रक विहान १० बजे अनियन्त्रित भई दुर्घटना भएको थियो। दुर्घटनामा सोही ट्रकका कामदार महोत्तरी जिल्ला वर्दिवास -४ बस्ने ४० बर्षिय उमेश सिंहको घटना स्थलमानै मृत्यु भएको छ।
ट्रकका चालक सोही ठाउँका अन्दाजी २६ बर्षिय शिव महरा शक्त घाईते भएका छन्। उनको जिल्ला अस्पताल पाँचथरमा उपचार भइरेहको पाँचथर प्रहरीले जनाएको छ।
