भक्तपुर ३ चैत्र । भक्तपुरको निकोसेरामा भएको स्कुटर दुर्घटनामा परी एकजनाको मृत्यु भएको छ।
भक्तपुरको मध्यपुर थिमि नगरपालिका वडा नं ६ थिमिबाट निकोशेरातर्फ आउँंदै गरेको बा ५५ प १६४ नम्वरको स्कुटर अनियन्त्रित भई सडक छेउको विजुलीको पोलमा ठोक्किन गई दुर्घटना भएको हो।
दुर्घटनामा परी भक्तपुर नगरपालिका वडा नं ३ खौमा वस्ने वर्ष २२ को सुशन स्वंगमिखाको मृत्यु भएको महानगरीय प्रहरी परिसर भक्तपुरले जनाएको छ। दुर्घटनाबाट घाइते भएका सुशनको त्रिभुवन शिक्षण अस्पताल महाराञ्जमा उपचारको क्रममा मृत्यु भएको परिसरका प्रहरी नायब उपरीक्षक एवं सूचना अधिकृत कृष्ण प्रसाईले जनाए।
शुक्रबार राति भएको दुर्घटनामा परी घाइते भएका सुशनलाई उपचारका लागि पहिलो पटक भक्तपुरस्थित मध्यपुर अस्पतालमा लगिएकोमा त्यहाँंबाट रिफर गरी महाराजगञ्ज अस्पताल लगिएको थियो।
