भोजपुर २९ असार । भोजपुरको हतुवागढी गाउँपालिकाको दुई वटा वडा कार्यालय भवन उद्घाटन गरिएको छ । छुटाछुटै कार्यक्रम आयोजना गरेर गाउँपालिका अध्यक्ष प्रेमकुमार राईले भवनको उद्घाटन गर्नु भएको हो । गाउँपालिकाबाट विनियोजित बजेटबाट वडा नं.२ र वडा नं ६ को कार्यालय भवन निर्माण सम्पन्न भएपश्चात उद्घाटन गरिएको गाउँपालिकाका प्रमुख प्रशासकीय अधिकृत महेश निरौलाले जानकारी दिनुभयो । वडा नं २ को करिव ५० लाख र वडा नं ६ करिव ४५ लाख लागतमा भवन निर्माण गरिएको उहाँको भनाइ छ । राईट विल्डर्स निर्माणको जिम्मा लिएको वडा नं २ भवन ६ महिनामा सम्पन्न भएको हो । त्यस्तै वडा नं. ६ उभोक्ता समिति र लक्ष्मी निर्माण सेवाद्धारा निर्माण गरिएको हो ।
भवन निर्माणले वडाको सेवा प्रवाहमा सहज हुने गाउँपालिका अध्यक्ष प्रेम कुमार राईले बताउनुभयो । भवन उद्घाटन समारोहमा गाउँपालिका अध्यक्ष प्रेमकुमार राई,उपाध्यक्ष सुनिता किराती, प्रमुख प्रशासकीय अधिकृत महेश निरौला, वडाध्यक्ष विचारी थापा, वडाध्यक्ष मोहन ,कुमार वडाध्यक्ष राई सुरेश राई स्थानीय समाजसेवी बुद्धीजिवी लगायतको सहभागिता रहेको थियो । वडा ६ को असार २७ गते र वडा नं २ को २८ गते उदेघाटन गरिएको हो ।
