भोजपुर २२ माघ । प्रेस चौतारी नेपाल जिल्ला शाखा भोजपुरले २६ औँ स्थापना दिवस मनाएको छ । स्थापना दिवसको अवसरमा शुभकामना आदान प्रदान तथा चियापान कार्यक्रम गरेर दिवस मनाइएको हो । स्थापना दिवसको अवसरमा शुभकामना प्रदान गर्दै बोल्ने वक्ताहरुले पत्रकारिताका पेसालाई व्यवसायिकसँगै निष्पक्ष, विस्वसनीय बनाउनमा जोड दिनु पर्ने धाराणा राखेका थिए । प्रेस चौतारी नेपाल जिल्ला शाखा भोजपुरका अध्यक्ष मोहन दुरालको अध्यक्षता तथा प्रेस चौतारी नेपालका केन्द्रिय सदस्य एक्सन राईको प्रमुख आथित्यतामा कार्यक्रम गरिएको हो ।
कार्यक्रमको विशेष अतिथिहरु नेकपा एमाले भोजपुरका अध्यक्ष शरणकुमार राई, नेकपा एमाले प्रदेश कमिटि सदस्य प्रेम कार्की, जिल्ला उपाध्यक्ष मक्कर खड्का, प्रेस युनियनका प्रदेश सदस्य निरोज कोईराला, प्रेस युनियन अध्यक्ष तथा पत्रकार महासंघका सचिव अर्जुन बस्नेत लगायतको उपस्थिती रहेको थियो ।
