भोजपुर,९ बैशाख । भोजपुर उद्योग वाणिज्य संघले भोजपुर हातेमालो सेवा समाज युएईका बरिष्ठ उपाध्यक्ष छिरिङ्ग शेर्पालाई सम्मान गरेको छ । प्रवासमा रहेर पनि कोभिड- १९ को संक्रमको समयमा जिल्लका नागरिकहरुलाई स्वास्थ्यका सामग्रीहरु तथा विभिन्न समयमा शिक्षा, स्वास्थ्य खेलकुद लगाएतको क्षेत्रमा पुर्याएको योगदानको कदर गर्दै सम्मान गरिएको भोजपुर उद्योग बाणिज्य संघका अध्यक्ष कर्ण मोक्तानले बताए ।
आफु जन्मेको ठाउँमा केही गरौ भन्ने उदेश्यले प्रवासमा रहेरपनी भोजपुरमा शिक्षा , स्वास्थ्य , खेलकुद, दैबिक प्रकोप लगाएको क्षेत्रमा सहयोग गर्दै आएको भोजपुर हातेमालो सेवा समाज युएईका बरिष्ठ उपाध्यक्ष छिरिङ्ग शेर्पा बताए । शेर्पाले भने ‘ प्रवासमा रहेर पनि आफ्नै ठाउँमा केही गरौ भन्ने उदेश्यले जिल्लाका विद्यालयहरुमा खेलकुद सामाग्री , जिल्ला अस्पतालमा ह्वीलचियर हस्तान्तरण गरेका छौ । मठमन्दिर तथा गुम्बाहरुमा सोलार समेत सहयोग गरेका छौ । आगामी दिनमा पनि सेवा समाजले आर्थिकरुपले असक्त असाहयहरुलाई सहयोग गर्ने लक्ष्य राखेको छ ।’
