झापा, १० कार्तिक
प्रहरीको गोली लगि झापाको विर्तामोडमा एक जनाको मृत्यु भएको छ । झापा अर्जुनधधारा–११ का नरेश थापाको मृत्यु भएको हो ।
उनलाई गोली लागे पछि उपचारका लागि मेची अञ्चल अस्पताल लैजादै गर्दा बाटैमा मृत्यु भएको हो भने अन्य छ जनाको अवस्था चिन्ताजनक रहेको छ ।
प्रहरीका अनुसार देवनन्द राजबंशी र मणि नेपालीको मेचि अन्चल अस्पतालमा उपचार भइरहेको छ । बाँकी सुनिल पाठक, अशोक बस्नेत, नवराज कोइराला र पुण्यप्रसाद लुइटेलको वि एण्ड सी अस्पतालमा उपचार भइरहेको छ ।
बालक हत्याको विषयमा स्थानीय र प्रहरीबीच झडपपछि प्रहरीले गोली चलाएको थियो । स्थिति तनावग्रस्त भएपछि विर्तामोडमा स्थानीय प्रशासनले कफ्र्रयु आदेश नै जारी गरेपनि प्रदर्शन रोकिएको छैन ।
शुक्रबार दिउँसो साढे १ बजेबाट प्रशासनले कफ्र्यु लगाएको हो । तर, आक्रोशित सर्वसाधारणले कफ्र्रयुको अवज्ञा गर्दै प्रदर्शन जारी राखेका छन् ।
