भोजपुर, १४ जेठ । भोजपुर नगरपालिका वडा नम्वर ५, बोखिमले उत्कृष्ट कृषक र शिक्षकलाई सम्मान गरेको छ । वडाले उत्कृष्ठ दुई कृषक, एक प्रधानाध्यापक, र एक शिक्षकलाई सम्मान सम्मान गरेको हो । वडा भित्र रहेर राम्रो काम गर्ने कृषक तथा विद्यालका शिक्षकलाई सम्मा गरेको वडाध्यक्ष फविन्द्र प्रधानले बताउनुभयो ।
कृषकहरु खगेन्द्र प्रसाद फुयल, अनिल श्रेष्ठ र धापखर्क आधारभुत विद्यालयका प्रधानाध्यापक हर्कराज शेर्पा, जगदिश्वरी आधारभुत विद्यालयका शिक्षक हरिप्रसाद प्रधानलाई सम्मानपत्र र भोजपुरे खुकुरी प्रदान गरेर सम्मान गरिएको वडा सचिव अभिनास राईले बताउनुभयो । शेर्पालाई वडा स्तरीय उत्कृष्ठ प्रधानाध्यापक, प्रधानलाई उत्कृष्ठ शिक्षक, फुयललाई उत्कृष्ठ दुग्ध कृषक र श्रेष्ठलाई उत्कृष्ट तरकारी उत्पादक कृषककारुपमा छनौट गरी सम्मान गरिएको वडाध्यक्ष प्रधानले जानकारी दिनुभयो।
उत्कृष्ट कार्य गर्न प्रोत्साहन मिलोस भन्ने उद्धेश्यका साथ सम्मान कार्यक्रम गरिएको वडाध्यक्ष प्रधानले बताउनुभयो । आगामी दिनमा पनि यस्तै सम्मान गर्ने वडाले जनाएको छ ।
