भोजपुर, १५ असार ।
एमाले भोजपुरले असार १५ अर्थात १९ औँ राष्ट्रिय धान दिवसको अवसरमा भोजपुरको पोखरेमा रोपाइँ कार्यक्रमको आयोजना गरेको छ । किसानहरुलाई हौसला प्रदान गर्दै भव्य रुपमा धान दिवस मनाउने लक्ष्यले कार्यक्रमको आयोजना गरेको एमाले जिल्ला कमिटी अध्यक्ष शरण कुमार राईले जानकारी दिए ।
अध्यक्ष राईले भने‘ किसानहरुसँग धान दिवसको खुसी साटसाट गर्नको लागि कार्यक्रमको आयोजना गरेका हौँ । यो भनेको मानो खाएर मुरी उव्जाउने समय हो । हाम्रो कृषि प्रदान देश भएकाले किसानलाई हौसला दिनको लागि पनि हामीले यस्ता प्रोत्साहनमुलक कार्यक्रम गर्नुपर्छ । किसानका समस्या समाधनमा राज्यले ध्यान पु¥याउन आवश्यक छ ।’ स्थानीय तथा एमालेका नेता तथा कार्यकर्ताको उपस्थितिमा रोपाइँ कार्यक्रम गरिएको हो ।
एमाले जिल्ला कमिटीको आयोजनामा भएको कार्यक्रमको व्यवस्थापन ८ नम्बर वडा कमिटीले गरेको एमाले जिल्ला उपाध्यक्ष मक्कर खड्काले जानकारी दिए । त्यस्तै दिवसको अवसरमा कृषि ज्ञान केन्द्र भोजपुरको आयोजनामा टक्सारमा पनि रोपाइँ कार्यक्रम गरिएको छ ।
