भोजपुर २३ पौष ।
‘भोजपुर हातेमालो सेवा समाज युएई’ले जिल्लाका तीन ओटा स्वास्थ्य सस्थालाई ह्वील चियर वितरण गरेको छ । युएईमा वस्दै आएका नेपालीहरुले संकलन गरेको रकमबाट जिल्ला अस्पताल भोजपुर, प्राथमिक स्वास्थ्य केन्द्रहरु दिंला र घोडेटारलाई ह्वील चियर, वितरण गरेको हो ।
वितरण गरिएका पाँच ओटा चियर मध्ये जिल्ला अस्पताल भोजपुरलाई तीन, प्राथमिक स्वास्थ्य केन्द्र घोडेटार र दिंलालाई एक / एक ओटा वितरण गरिएको समाजले जनाएको छ ।
आइतवार भोजपुर नगरपालिकाको सभा हलमा एक कार्यक्रमको आयोजना गरि समाजले जिल्ला स्वास्थ्यका कार्यालयका प्रमुख डाक्टर त्रिभुवन चन्द्र झालाई ह्वील चियर हस्तान्तरण गरेको हो ।
विरामी, अक्तत तथा वृद्ध वृद्धालाई सहयोग पु¥याउले उद्धेश्यले ह्वील चियर वितरण गरिएको भोजपुर हातेमालो सेवा समाज युएईका उपाध्यक्ष प्रेम शेर्पाले वताए। समाजले यस अघि पनि जिल्लाका विभिन्न आपत विपतमा सहयोग गर्दै आएको छ ।
