भोजपुर,२१ कार्तिक ।
भोजपुरको पश्चिमि टेम्केमैयुङ्ग गाउँपालिका –९ लेखर्कमा एक घर जलेर नश्ट भएको छ । मंगलवार विहान भएको आगलागीबाट स्थानिय सीता दर्जीको घर जलेर नश्ट भएको प्रहरीले जनाएको छ ।
मुचुल्का तयारको लागि घटना स्थलमा प्रहरी चौकी पाचधारेबाट प्रहरी टोली पुगेको भए पनि घरमा केटाकेटी मात्र रहेको क्षतिको विवरण आउन वाँकी रहेको जिल्ला प्रहरी कार्यालय भोजपुरले जनाएको छ ।
घरमा केटाकेटी छाडेर घरधनी खेताला गएको वेला आगलागी भएको प्रहरीको भनाई छ । घरमुली आए पछि मात्र क्षतिको विवरण आउने प्रहरीले जनाएको छ । काम गर्न टाडा खेतमा गएकोले घटनाको विषयमा घरधनीलाई थाहा नभएको हुन सक्ने प्रहरीको भनाई छ । आगो भने छिमेकीले नियन्त्रणमा लिएका थिए ।
