भोजपुर,१७ भदौ । भोजपुरमा थप तीनमा कोरोना पोजेटिभ भेटिएको छ । भारतबाट आएर अरुण गाउँपालिका –६ जरायोटारको होल्डिङ एरियामा बसेका उनीहरुको पीसिआर रिपोर्ट पोजेटिभ आएको जिल्ला प्रशासन कार्यालय भोजपुरले जनाएको छ । पोजेटिभ हुनेमा ४०/४० वर्षका दुई जना र ३० वर्षका पुरुषमा कोराना देखिएको प्रमुख जिल्ला अधिकारी बसन्तराज पुरीले जानकारी दिए ।
स्थायी ठेगाना भोजपुरको हतुवागढी गाउँपालिकाका रहेका उनीअरु तीनै जना भारतिय सेना रहेको प्रमुख जिल्ला अधिकारी पुरीले जानकारी दिए । भोजपुरमा हाल सम्मका १२ जनामा कोरोना पुष्टि भएकोमा ६ जना निको भएर घर फर्कीसकेका सहायक प्रमुख जिल्ला अधिकारी रामप्रसाद लुइटेलले जानकारी दिए । संक्रमित तीन जनालाई आज(बुधबार) भोजपुरको देउरालीमा रहेको आइसोलेसन सेन्टरमा राखिएको जनाइएको छ ।
