काठमाडौं २६ पौष ।
निर्वाचन आयोगले माघ २४ गते हुने राष्ट्रियसभा निर्वाचनको कार्यतालिका सार्वजनिक गरेको छ । उक्त निर्वाचन मतदान भने सबै प्रदेशका उच्च अदालतमा हुने आयोगले जनाएको छ ।
आयोगले सार्वजनिक गरेको तालिका अनुसार बिहान १० देखि ३ बजेसम्म मतदान हुनेछ । राष्ट्रियसभा सदस्य निर्वाचनमा २ हजार ५६ जनाले मतदान गर्न पाउनेछन् । मतदान सकिए लगत्तै मतगणना सुरु गरिने आयोगले जनाएको छ ।
राष्ट्रिय सभामा हरेक प्रदेशबाट तीन महिला, एक दलित र एक अपांगता भएका व्यक्ति तथा अल्पसंख्यकसहित आठ जना चुनिने सम्वैधानिक प्रावधान रहेको छ । निर्वाचनपछि सरकारको सिफारिसमा राष्ट्रपतिबाट एक महिलासहित तीन जना राष्ट्रिय सभामा मनोनीत हुनेछन् ।
