भोजपुर, १० असार । विपत जोखिम न्यूनिकरणसँगै थप क्षति हुनबाट बचाउन नेपाली सेनाले आवश्यक गतिविधि अघि बढाएको छ । वर्षातको समयमा हुने विपतका घटनाहरुबाट कम गराउन सेनाले भूमिका खेल्न थालेको हो । सेनाको नयाँ श्रीनाथ गण भोजपुरले भोजपुर नगरपालिका १० भैंसी पंखाका स्थानीयको घर आसपास खसेको पहिरो हटाएको छ । सेनाले राज कुमार राई, बुद्धि हाङ राई र राम बहादुर राइको घर नजिकै अविरल वर्षातका कारण शुक्रबार राति खसेको पहिरो हटाएको छ । सह सेनानी सञ्जीव खत्रीको कमाण्डमा खटिएको २५ जनाको सेना समुहले पहिरो हटाएको हो । सेनाले स्थानिय जनप्रतिनिधिहरु स्थानियबासी सहितको उपस्थितिमा पहिरो पूर्ण रुपमा हटाई नियन्त्रणमा लिइएको सेनाले जनाएको छ ।
