भोजपुर २४ मङसिर । जिल्ला प्रहरी कार्यालय भोजपुरले लैङ्गिक हिंसाविरुद्धको १६ दिने अभियानमा सचेतना मुलक ¥यालीको आयोजना गरेको छ । शनिवार सभ्य समाजको पहिचान : लैङ्गिक हिंसा विरुद्धको अभियान भन्ने मुल नाराका साथ भोजपुर सदरमुकाम स्थित जीरोप्वाईट गेट देखि चारभञ्जाङ सम्म सचेतना मुलक ¥यालीको आयोजना गरेको हो । यो संगै १६ दिने अभियानको क्रममा लैङ्गिक हिंसा न्यूनीकरणका लागि विद्यालय तथा नगरपालिका क्षेत्रमा जनचेतनामूलक कार्यक्रम सञ्चालन गरेको जिल्ला प्रहरी कार्यालय भोजपुरका प्रहरी प्रमुख डिएसपी शरत कुमार थापा क्षेत्रीले बताए । समाजमा अझैपनि लैगिक हिंसा भईरहेकाले हिंसा रहित समाज निर्माणका लागि सवै एकजुट भएर लाग्न आवश्यक रहेको प्रमुख जिल्ला अधिकारी हरि प्रसाद घिमिरेले बताए । कार्यक्रममा नागरिक समाज, महिला अधिकार कर्मी, पत्रकार लगाएतको सहभागिता रहेको थियो ।
