ओखलढुङ्गा बन्चरो प्रहारबाट २ जना घाईते

ओखलढुङ्गा । ओखलढुङ्गामा बन्चरो प्रहारबाट २ जना गम्भिर घाईते भएका छन् । मानेभञ्ज्याङ गाउँपालिका -१ मोली फस्कु बस्ने हर्कजित राईले घरायसी विवादको कारण धारिलो हतियार बन्चरो प्रहार गर्दा २ जना घाईते भएको हो । उनले शनिबार राती ११ बजेको समयमा सोही स्थान बस्ने बिश्र बहादुर राई र निजकै श्रीमती रत्नमाया राईलाई बन्चरो प्रहार गर्दा शरिरको बिभिन्न भागमा चोट लागेर गम्भिर घाइते भएका हुन् । घाइते दुवैजनालाइ मिसन अस्पताल ओखलढुङ्गा पठाएको थियो भने घटनामा संलग्न हर्कजित राईलाई बन्चरो सहित नियन्त्रणमा लिएर जिल्ला प्रहरी कार्यालय ओखलढुङ्गामा ल्याएको उक्त कार्यालयले जनाएको छ ।

सम्बन्धित समाचार