भोजपुर ३० भाद्र ।
भोजपुर जिल्लामा पनि जेसीवीको कार्यालय उद्घाटन भएको छ । कम्पनीले भोजपुरमा १३ औं शाखा स्थापना गरेको हो । कम्पनीले भोजपुर सदरमुकामको नयाँ बसपार्कमा आधिकारिक रुपमा कार्यालयको उद्घाटन गरेको छ ।
भोजपुरमा कालिका ट्रेडर्सले जेसीवीको शाखा सञ्चालनमा ल्याएको हो । यसले मेसिन विक्री वितरणसंगै मर्मत तथा सम्पूर्ण पार्टस् उपलब्ध गराउने कम्पनीका भोजपुर सञ्चालक प्रमुख हरिकृष्ण ढकालले जानकारी दिए ।
यसले भोजपुर जिल्लासंगै छिमेकी जिल्ला खोटाङ सम्म पनि सेवा उपलब्ध गराउने भोजपुर शाखाका सञ्चालक प्रमुख प्रकाश पराजुलीले जानकारी दिए । उद्घाटन कार्यक्रममा राजनीतिक दल, स्थानिय तह वैक तथा वित्तिय संस्थाका प्रतिनिधि, निर्माण व्यावसायी,सञ्चारकर्मी, सर्वधारण लगाएतको सहभागिता रहेको थियो । कार्यालयको भोजपुर नगरपालिकाका मेयर कैलाश कुमार आलेले उद्घाटन गरेका हुन् ।
