काठमाडौं, १७ फागुन। ताप्लेजुङ हेलिकप्टर दुर्घटनाबाट मृत्यु भएका पर्यटन मन्त्री रविन्द्र अधिकारीको फेसबुक एकाउण्ट परिवर्तन भएको छ । बिहीबार साँझबाट मन्त्री अधिकारीको फेसबुक प्रोफाइल परिर्वतन भएको हो ।
अधिकारीको फेसबुक प्रोफाइल खोल्दा अहिले ‘सम्झनामा रवीन्द्र’ देखिन्छ । मानिसको दिवंगत भएको थाहा पाएपछि फेसबुकले यस्तो गर्ने गरेको छ ।अहिले उनको आधिकारिक फेसबुक प्रोफाइल हेर्ने हो भने फेसबुक टाइमलाईन माथि एउटा फुलको राखिएको छ ।
