भोजपुर, ११ फागन ।
भोजपुरको षडानन्द नगरपालिका –८ तुङ्गेछाको गैरीगाउँमा आज दिउसो ट्याक्टर दर्घटना हुँदा तीन वालक घाइते भएका छन् । दिंलाबाट ढुङगा लिनको लागि तुङगेछा गएको को २ त ५७८६ नम्वरको ट्याक्टर अनियन्त्रित भएर दुर्घटना भएको हुन सक्ने इलाका प्रहरी कार्यालय दिंलाले जनाएको छ ।
घाइते हुनेमा स्थानिय ८ वर्षीय राजन तामाङ्ग, १५ वर्षीय सम्मर तामाङ्ग र ८ वर्षीय दिपेश तामाङ्ग रहेको प्रहरीको भनाई छ । घाइते मध्ये सम्मर तामाङ्गको अवस्था भने केहि गम्भिर रहेको प्रहरीको भनाई छ । सम्मरको शरिरका विभिन्न ठाउँमा चोटसंगै अण्डाकोष वाहिर निस्केको साथै पेटमा समेत रगत जमेको डाक्टरले वताएको प्रहरीको जनाएको छ ।
अन्यको दुईको पनि विभिन्न ठाउँमा चोट लागेको प्रहरीले जनाएको छ । घाइते तीनै जनाको दिंलामा सामान्य उपचार पस्चात थप उपचारको लागि संखुवासभा पठाएको दिंला प्रहरीले जनाएको छ । ट्याक्टर सडकबाट करिव २० मिटर तल झरेको प्रहरीको भनाई छ । ट्याक्टर सडकबाट करिव २० मिटर तल झरेको प्रहरीको भनाई छ । चालक भने फरार रहेकोले खोजी भइरहेको इलाका प्रहरी कार्यालय दिंलाका प्रमुख अमतलाल माँझीले जानकारी दिए ।
