भोजपुर,१२ भदौ । भोजपुरमा एक वालिका संकास्पद अवस्थामा सुतेकै ठाउमा मृत फेला परेकी छिन् । साल्पासिलिछो गाउँपालिका– ६ सालेवामा वर्ष ११ की बालिका रचना राई सुतेकै स्थानमा मृत फेला परेको जिल्ला प्रहरी कार्यालय भोजपुरले जनाएको छ ।
आइतवार राती खाना खाएर स्थानीय नातेदार मामा पर्ने २० वर्षीय सञ्जय राईसँगै सुतेकी वालिका विहान मृत अवस्थामा फेला परेको स्थानियले वताएका छन् ।
वलत्कार पछि हत्या भएको हुन सक्ने आशंकामा उनिसंगै सुतेका सञ्जय राईलाई अनुसन्धानको लागि नियन्त्रणमा लिएको इलाका प्रहरी कार्यालय दिंलाका इन्पेक्टर सञ्जिप ओलीले जानकारी दिए ।
वालिकाको सवलाई पोष्टमार्टमको लागि संखुवासभा अस्पताल पठाइएको ओलीले जानकारी दिए । ओलीले भने‘वालिकाको रहस्यमय रुपमा सुतेकै स्थानमा मृत्यु भएको हो, तर वलत्कार पछि हत्या भएको हो, या सामान्य मृत्यु हो भन्ने विषयमा पोष्टमार्टम रिपोर्ट आएपछि मात्र भन्न सकिन्छ, हामीलाई पनि संका लागेर संञ्जयलाई नियन्त्रण लिएका हौं अनुन्धानपछि यर्थाथ कुरा वाहिर आउछ ।’
वालिका आमा धनमणी राई र सौतेनी बाबु राजन राईसँग बस्दै आएकी थिइन् ।
