भोजपुर ६ जेष्ठ ।
भोजपुरको टेम्केमैयुङ गाउँपालिका ५ खावाको केराबारीमा एक व्यक्तिको खोलामा डुवेर मृत्यु भएको छ । माछा मार्ने क्रममा पिखुवा खोलामा डुवेर स्थानिय ३२ बर्षीय सन्तोष राईको मृत्यु भएको हो ।
घर नजिकै रहेको खोलामा माछा मार्न गएका राई र घर नफर्किए पछि खोजि गर्ने क्रममा पिखुवा खोलामा पानीमा डुविरहेको अवस्थामा मृत फेला परेको जिल्ला प्रहरी कार्यलयले जनाएको छ ।
शुक्रवार दिउँसो माछा मार्न गएका राई बेलुका सम्म घर नफर्किए स्थानियले खोजी गर्ने क्रममा शनिवार मृत अवस्थामा भेटेपछि प्रहरीलाई खवर गरेका थिए ।
मृतकको सवलाई आवश्यक प्रक्रिया पुरागरि पोष्टमार्टमको लागि जिल्ला अस्पताल भोजपुर ल्याईएको जिल्ला प्रहरी कार्यालय भोजपुरका प्रहरी निरिक्षक चरित्र विक्रम कार्कीले जानकारी दिए
