भोजपुर १२ बैशाख ।
भोजपुरको षडानन्द नगरपालिकामा भिरबाट लडेर एक व्यक्तिको मृत्यु भएको छ । स्थानिय ५० वर्षीय टेक बहादुर जोगीको मृत्यु भएको जिल्ला प्रहरी कार्यालय भोजपुरले जानाएको छ । जोगी सोहि नगरपालिका स्थित झ्याउपोखरीमा डकर्मी तालिमको लागि ९ गते घरबाट गएका थिए ।
तलिम लिएर फर्केका जोगी घर नआए पश्चात खोजि गर्दा मंगलवार लडेर मृत्यु भएको अवस्थामा भेटिएका हुन् । जोगीको षडानन्द नगरपालिका– १४ स्थित खत्री गाउँको सिरिसे भिरबाट दुई सय मिटर तल झरि मृत्यु भएको प्रहरीको भनाई छ ।
घटना स्थलमा इलाका प्रहरी कार्यालय दिङलाको टोली पुगी आवाश्यक कानुनी प्रक्रिया पुरागरी सवलाई परिवारको जिम्मा लगाएको प्रहरीको भनाई छ ।
